मैत्रीत वयाचे बंधन नसते; पण काहीवेळा समाजबंधन असते. विशेषतः मैत्री स्त्री-पुरुषामधील असेल, तर हे नाते नितळपणे सांभाळावे लागते. सार्वजनिक क्षेत्रातील थोरामोठ्यांचे अतिशय नाजूक संबंधातील मैत्र अरुण ढेरे यांनी ‘प्रेमातून प्रेमाकडे’मधून वाचकांपुढे उलगडले आहे.
मार्गारेट नोबेलने विवेकानंद यांना प्रथम पाहिले तेव्हाच त्यांना जीवन समर्पण करण्याचा निश्चय केला. स्वामींनी समाजकार्यासाठी निवेदिताच्या रूपात तिला शिष्यत्त्व बहाल केले. निवेदिता व गोपाल कृष्ण गोखले यांचे सौहार्दाचे मित्रत्त्व, गोखले व सरोजिनी नायडू यांचे स्नेहसंबंध, ‘वंदे मातरम्’ या राष्ट्रगीताला स्वररचना देणाऱ्या व महात्मा गांधी यांची अधार्मिक प्रेरणा बनलेल्या सरलादेवी घोषाल, ब्रिटनमधील मेडेलिन स्लेड उर्फ मीरा बेन हिची गांधीजींवरील उत्कट प्रेमभक्ती, रवींद्रनाथ टागोर यांच्या कवितेतून व्यक्त झालेली अॅना उर्फ नलिनी तसेच त्यांची वहिनी कादंबरी, रवींद्रनाथांसाठी काहीही करायला तयार असणारी व्हिक्टोरिया ओकॅम्पो, सुभाषचंद्र बोस व एमिली यांचा विवाह, सेनापती बापट व त्यांची रशियन मैत्रीण अॅना, डॉ. आंबेडकर व फॅनी यांच्यातील नाते यावर यात प्रकाश टाकला आहे.
प्रकाशक : पद्मगंधा प्रकाशन
पाने : २५६
किंमत : ३०० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)